GENOVA PIAZZA CAVOUR

Ang integrasyon ay nakikita sa mga eskinita

Upang maintindihan ang integrasyon, kailangang magbiyahe ang isang tao sa Genoa at saksihan ang chiaroscuro ng makikipot na kalye ng distrito ng Caruggi, kung saan makikita ang isa sa dalawampung multikultural na Post Office.Isang scale model ng mundo at ng mga infinite undertone nito:Maghreb, Latin America, Sub-Saharan Africa at Far East Asia.Dito, ang mabuting pakikitungo ay hindi basta pangako lamang: ito ay mga nasagutan nang form, mga bill at shipping parcel sa buong mundo.

Ang 32 taong gulang na si Abderrezak El Aidi ay isa sa mga mababait na tao sa Post Office ng Genoa sa Piazza Cavour, ang unang itinatag para sa mga imigrante at sa kanilang mga pangangailangan, tulad ng pagbabayad ng renta, mga permanent residency permit at mga murang serbisyo sa mobile phone.

Ipinagdiriwang ni Abder, na siyang bansag sa kanya ng kanyang mga regular na kostumer na nakapagsasalita ng Arabic, ang kanyang unang taon sa Poste Italiane.“Noong una, nahihirapang ipahayag ng mga tao ang kanilang mga sarili at pakibagayan ang burukratikong kultura.Nag-aalok kami ng tulong kaugnay sa wika pati na rin ang praktikal na payo at mga nakakatulong na kontak para sa mga pagtatanong tungkol sa permanent residency, paano magpapalit ng mobile pin o kontakin ang Libreng numero ng telepono.”

Pinasinayaan ang branch noong Marso bilang isang simpleng serbisyo sa kostumer na mga banyaga at, sa ilang buwan lamang, ito ay naging mahalagang madudulugan sa lugar.“Sa sandaling mawala ang mga balakid kaugnay sa wika at kultura, nagiging mas nagtitiwala ang mga tao ay kung minsan ay humihingi sa amin ng payo sa mga bagay na hindi namin nasasaklawan,” sabi ng manager na si Chiara Muntoni.Mayroon ding Afghan and Central African political refugees na lumisan dahil sa giyera at kahirapan, at isang pamilya mula sa Ecuador na nagpapadala ng mga parcel sa kanila, tulad ng kinukumpirma ni Viviana, isang tauhan sa Post Office na taga-Ecuador na 15 taon nang naninirahan sa Genoa:“Para sa mga kadarating lang sa Italy, magandang bagay ang malaman na maiintindihan sila dito.Para na rin silang nasa kanilang bansa.”

Madali ang magpadala at tumanggap ng pera

Iniaalok ng Poste Italiane ang posibilidad na maramdamang mas malapit ka sa iyong bansa o pamilya.

Pinahihintulutan ka ng MoneyGram na magpadala at tumanggap ng pera sa ilang minuto lamang sa mahigit 200 bansa sa buong mundo.Para sa ilang bansa, magagamit ang opsyon na ‘Ore 7’: ang perang ipinadala ngayon ay makukuha nang kasing-aga ng 7 am (lokal na oras) sa susunod na araw.

Ang pinakamalaking halagang puwedeng ipadala ay €999.99 kada transaksiyon at ang halagang ipadadala at ang kaukulang bayad ay maaaring bayaran ng cash o mga card na inisyu ng Poste Italiane.

Pinahihintulutan ka ng Eurogiro na magpadala at tumanggap ng pera sa loob ng 3 o 4 na araw tungo at mula sa ibang bansa, at hindi kailangang maging account holder.Ang perang ipinadadala sa ibang bansa ay nakukuha nang cash o idedeposito sa bank account ng benepisyaryo depende sa destinasyong bansa.

Pinahihintulutan ka ng Vaglia internazionale na magpadala at tumanggap ng pera sa loob ng 7 o 8 araw tungo at mula sa ibang bansa, ang international postal money order mula sa ibang bansa ay maaaring bayaran sa nakasaad na Post Office ngunit maaaring ideposito sa ibang branch.