MILAN VIA CORDUSIO
Malapit sa Duomo, malapit sa mundo
Isa sa pinakamadalas na sinasabing mga salita sa ‘Edison’ Post Office sa Via Cordusio, 4, sa Milan ay ang ‘sciè’, ibig sabihin sa salitang Chinese ay ‘salamat’.Makikita ang Post Office malapit sa Duomo at Piazza Cordusio, sa sentrong pampinansiya ng Milan.Ito ang lugar na mas lalong napapansin ngayon ng mga internasyonal na mamumuhunan, kung saan nagpupunta ang mga negosyante at turista mula sa lahat ng sulok ng mundo.Ang Post Office ay may mga tauhang nakapagsasalita ng maraming wika kung kaya't napakahalaga nila.Ipinaliliwanag ng Manager na si Mariolino Filizzola na “Chinese, Arabic, Spanish at English at siyempre Italian ang wikang ginagamit ng mga tauhan sa tanggapan.Maaaring dumulog ang mga kostumer sa mga tauhan dahil alam nilang makakaasa sila sa kanilang tulong para malampasan ang mga balakid na dulot ng wika at kultura.”
Sa via Cordusio may anim na tanggapan, at isang consultation room at naka-print na impormasyon kung paano sasagutan nag mga form sa ilang wika.Ang pila ay inaayos ayon sa gustong banyagang wika sa halip na itinuturo ang mga kliyente batay sa uri ng mga serbisyong kinakailangan.Ayon kay Federica Lanzetta, mula sa Milan, klase ng 1989, na kinuha ng Poste Italiane matapos makumpleto ang kanyang kurso sa Modern Language Studies at paninirahan sa China, “maraming kliyente ang nagugulat kapag sinasagot ko sila sa Chinese.Hindi nila inaasahan ito.Pagkatapos ay tatanungin nila ako kung paano ko natutong magsalita ng Chinese at kung nakapunta na ako sa China.”Masaya at kuntento si Federica dahil nakakatulong siya sa mga tao at umaasang may kinabukasan siya sa Poste Italiane.“Mahal ko ang aking trabaho at mahal ko ang wikang Chinese.Positibo ako na nag-aalok kami ng napakahusay na serbisyo sa kostumer at kami ang sanggunian para sa komunidad.Madalas kaming tinatanong ng mga kliyente tungkol sa mga bagay na walang kinalaman sa Post Office at napapalagay ang loob nila sa amin.”Ayon kay Federica, ang sikreto sa tagumpay ng network ng Post Office na nasa ilalim ng saklaw ng Multilingual Project ng Poste Italiane ay hindi lamang katatasan sa ibang wika.“May higit pa riyan.Nirerespeto namin ang kanilang kultura at ito ay pinasasamalatan.”Sa Post Office sa via Cordusio, isang taga-Ecuador na tauhan sa tanggapan, si Lisette Betancourt - 29 taong gulang at 10 taon nang naninirahan na sa Italy - ang nagbabahagi ng kanyang karanasan sa mga magiliw at mapagbigay na kliyente.“Palagi kong binabati ang aking mga kliyente ng ‘Buenos dias.Como estas?’ at pagkatapos ay ipapakilala ko ang aking sarili.Sa tingin ko ito ang pinakamabuting paraan para simulang mas maintindihan ang isa't isa at upang tanggapin sila.Marami ang nagtatanong sa akin tungkol sa mga insurance policy at mga pag-iimpok.Marami sa aking kliyente ang mula sa Ecuador, Peru at Argentina at karamihan naman ng kliyenteng estudyante ay mula sa Mexico at Colombia.Pupunta sila na may dalang mapa ng Milan na naka-highlight ang lokasyon ng aming opisina.Lalo kaming nakakatulong sa mga kabataang estudyante na madalas na nahihirapan sa burukrasya sa pagdating nila sa Italy.Binibigyan ko sila ng maraming payo.Palaging naghahanap ang mga tao ng isang tao na makikinig sa kanila at isang tao na mapagkakatiwalaan nila.”
Sa Post Office sa Via Cordusio mayroon ding tauhan sa tanggapan na nakapagsasalita ng wikang Romania, si Michele Salvatore, na ang ama ay taga-Sardinia at ang ina ay taga-Romania at ipinanganak noong 1985.Sa Milan na siya tumira sa kanyang tanang buhay, “lubos na nalilito ang mga banyagang tao sa Italy dahil sa burukrasya.Napakadali sana ng buhay kapag lahat ay naipaliliwanag sa iyong tinubuang wika.Malaking kaibahan ang magagawa nito.”
